Мадриднинг “Реал” клуби ярим ҳимоячиси Тони Кроос кеча УЕФА Суперкубоги баҳсида “Айнтрахт” жамоасига қарши учрашувда майдонга тушди ва ушбу турнирдаги ғалабалар бўйича мутлақ рекордчига айланди.
Кроос бешинчи марта суперкубокни қўлга киритди. У афсонавий ҳимоячилар Паоло Малдини ва Дани Алвешларни ортда қолдирди.
Эслатиб ўтамиз, Кроос Мадрид жамоаси билан тўртта УЕФА Суперкубогини қўлга киритган. У “Бавария”да ўйнаган пайтда ҳам ушбу совринни қўлга киритган.
"Реал"нинг "Айнтрахт"га қарши ўйини Хельсинкида бўлиб ўтди ва "қироллик клуби"нинг 2:0 ҳисобидаги ғалабаси билан якунланди.
