"ПСЖ" ва "Наполи" раҳбарлари яқин соатларда Фабиан Руиснинг трансфери бўйича олиб борилаётган музокараларни якунлашга ҳаракат қилишади.

Ярим ҳимоячи Париж гранди билан 5 йиллик шартномага келишиб, "ПСЖ" сафига ўтишга рози бўлди. Энди гап клубларда: журналист Маттео Мореттонинг сўзларига кўра, пайшанба куни "ПСЖ" ва "Наполи" ўртасидаги музокараларнинг навбатдаги босқичи бўлиб ўтади, бунда томонлар 26 ёшли футболчининг трансфер шартлари бўйича тўлиқ келишувга эришишга ҳаракат қилишади.

Фабиан Руиснинг "Наполи" билан амалдаги шартномаси бир йилдан кейин тугайди, бу эса унинг трансфер нархини сезиларли даражада пасайтиради. Неаполликлар сафида тўрт йил тўп сурган ярим ҳимоячи 166 ўйин ўтказиб, 22 гол урган ва 15 голга ассистентлик қилган.