Каталониянинг "Барселона" клуби футболчиси Нико Гонсалес "Валенсия"га ижарага ўтиши ҳақида гапирди.
"Мен хайрлашмайман, лекин "тез орада кўришгунча" дейман. Мен 20 ёшдаман ва ривожланишда давом этишим учун доимо ўйнашим керак. Шу боис жорий мавсумда ўз кучимни бошқа клубда синаб кўриш мен учун фойдали бўлади, деб қарор қилдим.
"Барселона" футболчилари ва мухлисларига омад тилайман ва кўплаб ғалабаларни нишонлашингизни тилайман. Бир йилдан кейин яна кўришгунча”, - деб пост қолдирди ярим ҳимоячи ўзининг ижтимоий тармоқларида.
Нико Гонсалес ўтган мавсум бошидан буён "Барселона" асосий жамоаси сафида 36 та ўйинда майдонга тушиб, 2 та гол урди ва 2 та голли узатмани амалга оширди.
