Kataloniyaning "Barselona" klubi futbolchisi Niko Gonsales "Valensiya"ga ijaraga o‘tishi haqida gapirdi.

"Men xayrlashmayman, lekin "tez orada ko‘rishguncha" deyman. Men 20 yoshdaman va rivojlanishda davom etishim uchun doimo o‘ynashim kerak. Shu bois joriy mavsumda o‘z kuchimni boshqa klubda sinab ko‘rish men uchun foydali bo‘ladi, deb qaror qildim.

"Barselona" futbolchilari va muxlislariga omad tilayman va ko‘plab g‘alabalarni nishonlashingizni tilayman. Bir yildan keyin yana ko‘rishguncha”, - deb post qoldirdi yarim himoyachi o‘zining ijtimoiy tarmoqlarida.

Niko Gonsales o‘tgan mavsum boshidan buyon "Barselona" asosiy jamoasi safida 36 ta o‘yinda maydonga tushib, 2 ta gol urdi va 2 ta golli uzatmani amalga oshirdi.