Германиянинг "Лейпциг" клубига қайтган ҳужумчи Тимо Вернер ўз қарорини тушунтирди.

26 ёшли германиялик ҳужумчи "Челси"ни тарк этиб, "Лейпциг"га қайтди.

"Бошқа клублардан келган таклифларни кўриб чиқмадим десам, ёлғон гапирган бўламан. Бироқ, яхшилаб ўйлаб кўрганимдан сўнг, мен бу ерга қайтишни тўғри вариант деб қарор қилдим. Нафақат клуб, балки мураббий ҳам муҳим роль ўйнади: Доменико Тедеско билан гаплашдим, биз бир-биримизни яхши тушунамиз.

Албатта, мен Қатардаги Жаҳон чемпионатида ўйнашни хоҳлайман, турнирга имкон қадар яхши тайёргарлик кўришга умид қиламан. Бунинг учун менга доимий ўйин амалиёти керак, бу эса "Челси"да бўлмади. Мен тартибга солишга вақт сарфламаслик учун оилавий муҳитни танладим” - деди ҳужумчи.