Бугун Самарқанд ва Навоий шаҳарларидаги учрашувлар билан Биринчи лиганинг Ғарбий зонасида 17-тур учрашувлари якун топди.

Самарқанддаги "Олимпия" стадионида бўлиб ўтган маҳаллий "Регистон" ва Биринчилик етакчиларидан бири – "Хива" клуби ўртасидаги учрашувда муросасиз баҳс кузатилди. Аввалига "Регистон" жамоаси бош мураббийи Ҳамза Жабборовнинг ўғли Дилшод Жабборов биринчи бўлимда 2 та, иккинчи бўлимда яна битта гол киритиб хет-трик қайд этиб, жамоасини йирик ҳисобда олдига олиб чиқишга муваффақ бўлган бўлса, хиваликлар учрашув тугашига саноқли дақиқалар қолганда икки гол киритишга муваффақ бўлишди – 3:2.

Навоий шаҳрида бўлиб ўтган учрашувда маҳаллий "Южанин" клуби "Бухоро-2" фрм клубини қабул қилди. Гарчи учрашувда бухоролик ёш футболчилар ҳисобда олдинга чиқиб олишган бўлса-да, навоийликлар битта жавоб тўпи кирита олишди ва мувозанатни тиклашди – 1:1

Биринчи лига. Ғарбий зона. 17-тур
РЕГИСТОН – ХИВА 3:2 
ЮЖАНИН – БУХОРО-2 1:1

Эртага Шарқий зонада 17-тур доирасидан ўрин олган тўрт учрашув бўлиб ўтади:
НЕФТЧИ ҲАМЗА – ЧУСТ-ПАХТАКОР
ПАХТАКОР-2 – БУНЁДКОР-2
ОҚТЕПА – ГУЛИСТОН
ҚЎҚОН-1912 - КОСОНСОЙ