Франциянинг "Ницца" клуби ҳимоячиси Жан-Клер Тодибо Италия А сериясига ўтиши мумкин. Footmercato хабарига кўра, 22 ёшли футболчининг хизматларига Миланнинг "Интер" клуби қизиқиш билдирмоқда.
Манбага кўра, "нерадзуррилар" Тодибони Милан Шкринярга потенциал вариант сифатида кўриб чиқмоқда. Аввалроқ, словакиялик футболчига "ПСЖ" фаол қизиқиш билдираётганди.
Тодибо "Ницца" билан 2026 йилнинг ўрталарига қадар шартнома имзолаган. Футболчининг бозор нархи 20 миллион еврога баҳоланмоқда.
Ўтган мавсумда Жан-Клер 40 та ўйин ўтказиб, битта гол урган.