Fransiyaning "Nissa" klubi himoyachisi Jan-Kler Todibo Italiya A seriyasiga o‘tishi mumkin. Footmercato xabariga ko‘ra, 22 yoshli futbolchining xizmatlariga Milanning "Inter" klubi qiziqish bildirmoqda.
Manbaga ko‘ra, "neradzurrilar" Todiboni Milan Shkrinyarga potensial variant sifatida ko‘rib chiqmoqda. Avvalroq, slovakiyalik futbolchiga "PSJ" faol qiziqish bildirayotgandi.
Todibo "Nissa" bilan 2026 yilning o‘rtalariga qadar shartnoma imzolagan. Futbolchining bozor narxi 20 million yevroga baholanmoqda.
O‘tgan mavsumda Jan-Kler 40 ta o‘yin o‘tkazib, bitta gol urgan.