Англия терма жамоаси ва “Тоттенхэм”нинг собиқ ҳужумчиси Жермейн Дефо Лондон клубига қайтди. Бу ҳақда "шпорлар" матбуот хизмати хабар бермоқда.
Март ойида футболчилик фаолиятини якунлаган Жермейн "Тоттенхэм" академияси мураббийлар штабига қўшилди. Шунингдек, у Лондон клубининг элчисига айланди.
Собиқ ҳужумчи фаолиятининг катта қисмини "шпорлар"да ўтказган. Дефо жамоанинг 363 та учрашувида қатнашиб, 143 та гол урган.
Жермейн Англия терма жамоаси либосида 57 та ўйин ўтказиб, 20 та гол урган. Дефонинг сўнгги клуби "Сандерленд" эди.