Angliya terma jamoasi va “Tottenxem”ning sobiq hujumchisi Jermeyn Defo London klubiga qaytdi. Bu haqda "shporlar" matbuot xizmati xabar bermoqda.

Mart oyida futbolchilik faoliyatini yakunlagan Jermeyn "Tottenxem" akademiyasi murabbiylar shtabiga qo‘shildi. Shuningdek, u London klubining elchisiga aylandi.

Sobiq hujumchi faoliyatining katta qismini "shporlar"da o‘tkazgan. Defo jamoaning 363 ta uchrashuvida qatnashib, 143 ta gol urgan.

Jermeyn Angliya terma jamoasi libosida 57 ta o‘yin o‘tkazib, 20 ta gol urgan. Defoning so‘nggi klubi "Sanderlend" edi.