Ёз бошида "Бавария" ҳужумчи Роберт Левандовски ўрнига "Челси"нинг ҳужумкор ярим ҳимоячиси Кай Хаверцни сотиб олишни кўриб чиқди. Бу ҳақда журналист Керри Хоу хабар берди.
Манбага кўра, "Бавария" Левандовски "Челси"га ўтишини, Хаверцни эса ўз таркибида кўришни кутган. Мюнхенликлар спорт директори Ҳасан Салиҳамиджич Хаверц манфаатларини ҳимоя қилувчи ROOF агентлигидан футболчининг Лондон клубидаги ўрни ҳақида сўраган.
Охир-оқибат, Левандовски "Барселона"га ўтди, шунинг учун бу алмашинув имконсиз бўлиб қолди. Қолаверса, Серж Гнабри "Бавария" билан шартномани узайтирди ва мюнхенликларнинг Хаверцга бўлган қизиқиши сусайди.