"ПСЖ" дарвозабони Кейлор Навас фаолиятини "Наполи"да давом эттиришга тайёр, деб ёзади журналист Николо Скира.
Манбанинг хабарига кўра, клублар айни дамда трансфер борасида келишиб олишга ҳаракат қилишмоқда. Футболчини италияликлар ижарага олишлари мумкин, "ПСЖ" бу ҳолатда унга маош тўлайди.
Аввалроқ Париж клуби бош мураббийи Кристоф Галтье янги мавсумда асосий дарвозабон Жанлуижи Доннарумма бўлишини айтганди.
2021/22 йилги мавсум якунида Навас "ПСЖ" сафида 26 ўйинда 24 та гол ўтказиб юборди. Унинг клуб билан шартномаси 2024 йилнинг 30 июнига қадар амал қилади.
