"Милан" бош мураббийи Стефано Пиоли А Серия 1-туридан ўрин олган "Удинезе"га қарши ўйиндан сўнг (4:2) ўз фикрлари билан ўртоқлашди.
"Тезкор гол ўтказиб юборганимиз менга ёқмади. Ўйинни бундан яхшироқ бошлашимиз керак. Аммо кейинги ярим соат давомида чиройли футбол намойиш қилдик.
Майдон марказида бир неча бора енгил фикрлаган ҳолда қарорлар чиқардик, буни устида ишлашимиз керак. Умуман олганда яхши ўйин кўрсатдик деб ўйлайман.
Қанотдан амалга оширилган ҳужумлардан кейин икки гол ўтказиб юбордик, ўша пайтда жамоа диққатни йўқотиб қўйди. Аслида бундай ҳолатларда яхшироқ ҳаракат қилишимиз керак. Якшанба кунги рақиб "Аталанта" майда хатолардан гол уриб кетади", - деди Пиоли.
