“Манчестер Сити” ярим ҳимоячиси Бернарду Силва Англия премьер-лигасининг 2-турида “Борнмут” устидан қозонилган ғалабадан сўнг (4:0) ижтимоий тармоқларда пост қолдирди. 

“Ажойиб жамоа ўйини ва стадиондаги ажойиб муҳит! Барча мухлисларга менга кўрсатган ҳурмат  учун раҳмат айтмоқчиман”, — деб ёзади Силва.

Аввалроқ, 28 ёшли Силва испаниялик «Барселона» билан 4 йиллик шартнома шартларини келишиб олгани ҳақида хабар берилганди.

Каталонияликлар Бернарду учун 60 миллион евро тўлашга тайёр бўлиши кутилганди.Силванинг «Манчестер Сити» билан амалдаги шартномаси 2025 йилда якунига етади. У 2017 йилнинг ёзидан буён жамоада ўйнамоқда.