Тошкентнинг "Пахтакор" клубини йил бошидан буён бошқариб келаётган сербиялик мутахассис Деян Журжевич клубни тарк этгани Чемпионат.уз сайти томонидан хабар қилинмоқда. Бироқ бу борада расмий маълумот эълон қилингани йўқ.

Журжевич бошчилигида "Пахтакор" Осиё чемпионлар Лигасида гуруҳ босқичидан ўта олмади. Олий лигада эса 10 турдан сўнг 18 очко билан мусобақа жадвалининг 3-поғонасида бормоқда.

"Нефтчи" ва "Шўртан"га қарши сўнгги иккита учрашув мағлуб бўлган "Пахтакор" мураббий билан хайрлашишни лозим топган кўринади.

Янги бош мураббий номи яқин кунларда маълум қилиниши кутилмоқда.