"Барселона" клубининг амалдаги президенти Сандро Роселл жамоатчиликнинг Роналдунини дунёнинг икки энг яхши футболчисидан бири деган фикларига қўшилмаслигини айтиб ўтди.
"Криштиано Роналду дунёнинг энг яхши иккинчи футболчиси эмас. У дунёнинг ўн иккинчи рақамли футболчиси. Дунёнинг энг яхши 11 футбочиси "Барселона" клубида ўйнайди" деди Роселл Барселонадаги олийгоҳлардан бирининг талабалари билан учрашув чоғида.
Шунингдек, Садро Роселл "Реал Мадрид" клуби бош мураббийи Жозе Моуриньонинг шаънига ҳам "илиқ" фикрларни билдириб ўтди.
"Мен ҳеч қачон омади юришмай қолган мураббийни клубда олиб қолмаган бўлардим. Шунингдек, агар мен раҳбарлик қилаётган клуб мураббийи бировнинг кўзига қўлини тиқиб олса, уни ҳеч қачон кечирмасдим" дея Роселлнинг сўзларидан иқтибос келтирмоқда goal.com сайти.