"Челси" ярим ҳимоячиси Конор Галлахер Лондон клубини тарк этиши мумкин. Sky Sports хабарига кўра, футболчи "Ньюкасл"нинг жиддий қизиқишлари доирасида бўлиб турибди.
22 ёшли англиялик футболчининг "кўклар" билан шартномаси 2025 йилгача мўлжалланган. Transfermarkt портали футболчининг нархини 25 миллион еврога баҳоламоқда.
Галлахер ўтган мавсумни “Кристал Пэлас”да ижара асосида ўтказди. Премьер-лиганинг 34 ўйинида у 8 та гол урди ва 4 та голли узатмани амалга оширди.
Хавбек аввалроқ “Чарлтон”, “Суонси” ва “Вест Бромвич” клубларида ижара асосида тўп тепган.
