"Манчестер Юнайтед"нинг собиқ ҳимоячиси, ҳозирда Британия телевидениеси эксперти Гари Невилл АПЛ мавсумининг омадсиз бошланганидан сўнг "қизил иблислар"ни танқид қилди.
"Манчестер Юнайтед" билан муаммо шундаки, клуб ўз стратегиясидан воз кечди, тез-тез мураббийларни алмаштирди ва ўйинчиларни танлашда уларга тўлиқ ишонди. Охирги ўн йил ичида улар трансферлар учун миллиард евродан ортиқ маблағ сарфладилар, аксарияти муваффақиятсизликка учради. Шунчаки даҳшатли. Бу клуб футболчилар қабристонига айланган", дейди Невилл.
Дастлабки икки турда манкунианликлар “Брайтон” (1:2) ва “Брентфорд”га (0:4) имкониятни бой бериб, турнир жадвалида сўнгги ўринни эгаллаб туришибди.
