"Манчестер Юнайтед" ҳужумчиси Криштиану Роналду ҳамон трансфер ойнаси ёпилгунгача жамоани тарк этмоқчи. Бу ҳақда журналист Фабрицио Романо ижтимоий тармоқларида хабар бермоқда.
Қайд этилишича, “Манчестер Юнайтед” ҳали ҳам Криштиану сотилмаслигини таъкидламоқда. Бироқ, футболчининг агенти Жорже Мендеш мижозининг фаолиятини давом эттириш имкониятларини фаол изламоқда. Португалиялик футболчи Чемпионлар лигасида ўйнайдиган жамоага ўтишдан манфаатдор.
Роналду ўтган мавсумда "Манчестер Юнайтед" сафида АПЛда 18 та гол урди. Янги мавсум бошида клуб кетма-кет иккита мағлубият аламини тотиб кўрди.
