"Манчестер Сити" "Андерлехт" ҳимоячиси Серхио Гомес билан шартнома имзолаганини эълон қилди.
21 ёшли испаниялик футболчининг инглиз клуби билан шартномаси 2026 йилнинг ёзига қадар мўлжалланган. Трансфер суммаси 13 миллион еврони ташкил қилди.
Ўтган мавсумда ёш ҳимоячи “Андерлехт” сафида 50 та ўйин ўтказиб, 7 та гол урди ва 15 та голли узатмани амалга оширди.
Эслатиб ўтамиз, Гомес "Барселона" клуби тарбияланувчиси бўлиб, унинг асосий жамоаси таркибида битта ҳам расмий ўйин ўтказмаган.
“Манчестер Сити” навбатдаги ўйинни 21 август куни “Ньюкасл”га қарши ўтказади. Учрашув Тошкент вақти билан соат 20:30да бошланиши режалаштирилган.
