"Ливерпуль" юлдузи Муҳаммад Салоҳ ўз ватани Мисрдаги черковни таъмирлаш учун маблағининг бир қисмини хайрия қилди. Бу ҳақда The National нашри журналистлари хабар берди.
Манбага кўра, футболчи черковни қайта тиклаш учун тахминан 150 минг евро ўтказган. Бино ёнғиндан кейин таъмирланади. Ёнғин оқибатида камида 41 киши ҳалок бўлди, ўнлаб одамлар касалхонага ётқизилди.
Эслатиб ўтамиз, шу йилнинг ёзида 30 ёшли мисрлик мерсисайдликлар билан янги меҳнат шартномасини имзолаган эди. Премьер-лига жорий мавсумида Муҳаммад иккита учрашувда битта гол урди.
