Жаҳон футболи юлдузи Криштиану Роналду “Манчестер Юнайтед”дан узоқлашишга ҳаракат қилмоқда. Бироқ "манкунианликлар" клуби хўжайинлари 37 ёшли тўпурарнинг трансферига кескин қарши.
Manchester Evening News хабарига кўра, Жоэль Глейзер Роналдунинг сотилишини мантиқсиз деб ҳисоблайди, чунки жамоада унинг ўрнига муносиб ўринбосар йўқ. Жоэль "Олд Траффорд"да унинг ўрнига муносиб ўринбосар топилмагунча, Криштиануни сақлаб қолиш ниятида.
Криштианунинг ўзи тинмай "Юнайтед"ни тарк этиш истагини билдирмоқда. Ҳужумчи клубнинг трансфер бозоридаги олиб бораётган сиёсатидан норози.
