Мадриднинг “Атлетико” клуби марказий ҳужумчиси Альваро Мората ёзда Англия Премьер-лигасига кўчиб ўтиши мумкин эди, дея хабар бермоқда Cadena Ser нашри.
Манбага кўра, Испания терма жамоаси ҳужумчиси хизматларига Англия футболидаги топ-клублардан бири қизиқиш билдирган. Номи ошкор этилмаган клуб Моратани 40-45 миллион еврога сотиб олишга тайёр эди, аммо “матрасчилар” раҳбарияти бу таклифни рад этишди. "Атлетико" Альварони янги мавсумда жамоага фойдаси тегадиган футболчи деб ҳисоблади.
Англияда Мората Лондоннинг “Челси” жамоасида ўйнаган. Испаниялик футболчи ўтган мавсумни Туриннинг "Ювентус" клубида ижара асосида ўтказди.
