Madridning “Atletiko” klubi markaziy hujumchisi Alvaro Morata yozda Angliya Premyer-ligasiga ko‘chib o‘tishi mumkin edi, deya xabar bermoqda Cadena Ser nashri.
Manbaga ko‘ra, Ispaniya terma jamoasi hujumchisi xizmatlariga Angliya futbolidagi top-klublardan biri qiziqish bildirgan. Nomi oshkor etilmagan klub Moratani 40-45 million yevroga sotib olishga tayyor edi, ammo “matraschilar” rahbariyati bu taklifni rad etishdi. "Atletiko" Alvaroni yangi mavsumda jamoaga foydasi tegadigan futbolchi deb hisobladi.
Angliyada Morata Londonning “Chelsi” jamoasida o‘ynagan. Ispaniyalik futbolchi o‘tgan mavsumni Turinning "Yuventus" klubida ijara asosida o‘tkazdi.
