Мадриднинг "Реал" клубига тегишли бразилиялик ярим ҳимоячи Рейньер ёзги трансфер ойнаси ёпилгунга қадар жамоасини ўзгартириши мумкин. Бу ҳақда Relevo нашри хабар бермоқда.
Манбанинг маълум қилишича, 20 ёшли футболчининг хизматига Ла Лиганинг бир нечта клублари қизиқиш билдирмоқда. Гап "Альмерия", "Жирона" ва "Вальядолид" ҳақида кетмоқда. Ушбу трансферга тўсиқ бўлиши мумкин бўлган ягона муаммо - футболчининг маоши.
Бразилиялик футболчи сўнгги мавсумларни Дортмунднинг "Боруссия" клубида ижарада ўтказган. Умуман олганда, ярим ҳимоячи 39 та ўйинда қатнашиб, битта гол урди ва битта голли узатмани амалга оширди.
Рейньернинг "Реал" билан шартномаси 2026 йилнинг ўрталарига қадар амал қилади.
