The Athletic хабарига кўра, Бернарду Силва жорий мавсумни ҳам "Манчестер Сити" таркибида ўтказишга қарор қилди.
Ярим ҳимоячи "Барселона"нинг қизиқишидан хабардор эди. У Ла Лигада ўйнаш орқали Португалиядаги оиласига яқинроқ бўлиш имкониятидан хурсанд бўлишини айтди. Ўтган йилгидек, 28 ёшли футболчи “Сити”дан “Барселона” муносиб таклиф билан чиқса, уни қўйиб юборишни сўраган.
Бироқ “Барселона” ҳозиргача аниқ трансфер таклифи билан чиқмаган. Шу сабабли Бернарду бутун этиборини Премьер-лига жорий мавсумига қаратишга қарор қилди.
Силванинг Гвардиола ва "шаҳарликлар" раҳбарияти билан муносабатлари илиқ. У жамоа раҳбарияти унга ишонишини билади.
