Ўзбекистон миллий терма жамоасининг яна бир аъзоси Марат Бикмаев Қозоғистоннинг "Актобе" жамоаси билан шартнома имзолади. Бу ҳақда клуб расмий сайти хабар тарқатмоқда.
Ўз вақтида Россиянинг "Рубин", "Крилья Советов", "Спартак Налчик", "Алания" жамоалари сафида тўп сурган футболчи энди фаолиятини Қозоғистонда давом эттирадиган бўлди.
Эслатиб ўтамиз, Қозоғистон клуби сафида бундан бир неча кун олдин Александр Гейнрих ва Темур Кападзелар ҳам пайдо бўлишганди. Бугун "Актобе" мамлакат кубоги доирасида "Лашин" жамоасига қарши майдонга тушади. Ушбу учрашувда уччала футболчимизнинг ҳам майдонга тушиши кутилмоқда.