"Вильярреал" клуби бош мураббийи Унаи Эмери ҳимоячи Хуан Фойтнинг "Барселона" жамоасига кетиши эҳтимолидан хавотирда. Эслатиб ўтамиз, кеча аргентиналик футболчи номаълум сабабларга кўра жамоа машғулотларида иштирок этмаганди.
"Бизни кутилмаган кетишлар кутаётганидан хавотирдамиз. Баъзи ўйинчилар бошқа клублардан яхшироқ иқтисодий ва спорт таклифини кўриб чиқадилар, шунинг учун улар кетишга қарор қилишади", - деди Эмери матбуот анжуманида.
Эслатиб ўтамиз, ўтган мавсумда "Вильярреал" Чемпионлар лигасининг ярим финалига қадар етиб борган, бир йил олдин эса Европа лигасида ғолиб чиққанди. Фойт жамоага Лондоннинг “Тоттенхэм” жамоасидан кўчиб ўтган.
