"Vilyarreal" klubi bosh murabbiyi Unai Emeri himoyachi Xuan Foytning "Barselona" jamoasiga ketishi ehtimolidan xavotirda. Eslatib o‘tamiz, kecha argentinalik futbolchi noma’lum sabablarga ko‘ra jamoa mashg‘ulotlarida ishtirok etmagandi.
"Bizni kutilmagan ketishlar kutayotganidan xavotirdamiz. Ba’zi o‘yinchilar boshqa klublardan yaxshiroq iqtisodiy va sport taklifini ko‘rib chiqadilar, shuning uchun ular ketishga qaror qilishadi", - dedi Emeri matbuot anjumanida.
Eslatib o‘tamiz, o‘tgan mavsumda "Vilyarreal" Chempionlar ligasining yarim finaliga qadar yetib borgan, bir yil oldin esa Yevropa ligasida g‘olib chiqqandi. Foyt jamoaga Londonning “Tottenxem” jamoasidan ko‘chib o‘tgan.
