«Интер» Милан Шкриньяр билан шартномани узайтирмоқчи.
Бугун маълум бўлишича, "нерадзуррилар" раҳбарияти парижликларнинг навбатдаги таклифини рад этиб, ёзда марказий ҳимоячини сотмасликка қарор қилган.
Италия матбуоти хабарига кўра, энди "Интер" 27 ёшли словакиялик билан янги узоқ муддатли шартнома бўйича музокаралар бошлашни кутмоқда. Агар келишувга эришилса, футболчи йилига 6 миллион евродан кўпроқ маош олади.
Милан Шкриньярнинг "Интер" билан амалдаги шартномаси келаси ёзда якунига етади. Марказий ҳимоячи клуб учун икки юздан ортиқ ўйин ўтказди.
