"Ливерпуль" бош мураббийи Юрген Клопп Англия чемпионатининг 3-туридан ўрин олган "Манчестер Юнайтед"га қарши бўлиб ўтадиган ўйинга жароҳат олган футболчилардан қайси бири тикланишга улгургани ҳақида гапирди.
"Кейта тахминан бир ҳафта касал эди, сўнгги ўйинда у захирада эди, аммо ҳозир у тўлиқ машғулотларга қайтди. Наби жуда яхши кўриняпти. Фирмино? У ҳам яхши машғулот ўтказди ва ўйнашга тайёр", - деди Клопп Talksport билан суҳбатда.
Бундан ташқари, Клопп ҳимоячи Жо Гомес сафга қайтганини таъкидлади.
"Ливерпуль" - "Манчестер Юнайтед" ўйини 22 август душанба куни "Олд Траффорд"да бўлиб ўтади.
