"Бавария" "Севилья"га сотиб юборган ҳимоячиси Тангуй Ньянзунинг қайта сотиб олиш учун қанча сумма сарфлаши мумкинлиги маълум бўлди.
Немис клуби 20 ёшли ҳимоячини 20 миллион евро эвазига “Севилья”га сотди. Шартнома 2027 йилгача мўлжалланган.
Агар мюнхенликлар франциялик футболчини қайтаришни истаса, трансфер учун 50 миллион евро тўлаши керак бўлади.
2023 йил 1 сентябрдан бу миқдор ошади - харид эса 55 миллион еврога тушади.
Ньянзу "Бавария"га 2020 йилда "ПСЖ"дан текинга ўтган эди. Франциялик футболчи ўтган мавсумда барча мусобақаларда 22 та ўйинда майдонга тушди.