"Манчестер Юнайтед" ҳимоячиси Эрик Байи Франциянинг "Марсель" клуби билан шартнома шартлари бўйича ҳалигача келишгани йўқ.
Эслатиб ўтамиз, аввалроқ “провансликлар” “қизил иблислар” билан Байини кейинчалик 10 миллион еврога сотиб олиш ҳуқуқи билан ижарага олиш борасида келишиб олганди.
Журналист Фабрицио Романонинг сўзларига кўра, ивуарлик футболчи клуб билан шартнома шартларини келишиб олиши биланоқ дарҳол тиббий кўрикдан ўтиш учун учиб кетади. Байи ўтган қишдан бери МЮни тарк этмоқчи.
Эслатиб ўтамиз, Байи 2016 йилнинг ёзида "Вильярреал"дан Жозе Моуриньо таклифига кўра "Олд Траффорд"га кўчиб ўтганди. Италиянинг "Рома" клуби ҳам ушбу трансфер ойнасида футболчини ўз сафига қўшиб олмоқчи эканлигини билдирганди.
