Хави "Барселона"нинг "Райо Вальекано" жамоасига қарши учрашувдаги кўрсатган ўйинини юқори баҳолади.
"Камп Ноу"да бўлиб ўтган Ла Лиганинг 1-тур учрашуви голсиз дуранг билан якунланди.
“Райо” билан дуранг – бу тасодиф. Бу оддий ўйин эди, мукаммал эмас, эътиборга лойиқ эмас. Бироқ, биз ғалаба қозониш учун етарлича яхши ўйнадик, аммо фақат бир очкони қўлга киритдик.
Биз устунлик қилдик ва вазиятлар яратдик. Бироқ, ҳеч нарса оддийгина берилмайди ва ҳамма нарсани камтарлик билан қабул қилиш керак.
Мен пессимизмдан кўра оптимизмни афзал кўраман, лекин айни пайтда камтар бўлишимиз керак. Ҳаммаси энди бошланмоқда”, - деди “Барса” бош мураббийи.
