"Реал" ярим ҳимоячиси Федерико Вальверде Испания чемпионатининг 2-турида "Сельта" устидан қозонилган ғалаба (4:1) ҳақида фикр билдирди.

“Жамоа учун, улар майдонда берган барча нарсаларидан хурсандман. Биз ажойиб ўйин ўтказдик. Иккинчи бўлим анча яхши ўтди, кўпроқ имкониятларга эга бўлдик ва уларни голга айлантирдик.

Асосийси, биз ғалаба қозондик. Шахсан мен учун гол уриш — катта бахт. Бу енгиллик, мен буни анчадан бери кутгандим. Қандай зарба бериш ҳақида ўйлаш учун менда бир неча сония бор эди, одатда мен кучли зарба йўллайман. Яхшиямки, ҳаммаси яхши бўлди ", - дея Вальвердедан иқтибос келтирган клуби матбуот хизмати.

"Реал Мадрид" 6 очко билан Ла Лига турнир жадвалида пешқадамлик қилмоқда. "Сельта" 1 очко билан 14-ўринда бормоқда.