"Барселона" ҳужумчиси Роберт Левандовски Испания чемпионатининг кечаги "Реал Сосьедад"га қарши ўйинида (4:1) дубл қайд этди. 34 ёшли тўпурар ушбу голларини марҳум отасига бағишлади.
“Мен нафақат мақсадларимдан, балки натижадан ҳам хурсандман. Мен ҳар доимгидек отам учун дубл қайд этдим.
Янги рақибга гол урганимда, голларни унга бағишлайман. У мени осмондан кузатаётганини биламан", - дейди 34 ёшли ҳужумчи.
Левандовски жорий трансфер ойнасида "кўк-анорранглилар" сафига қўшилди. Унинг трансфери Каталония топ-клубига 45 миллион еврога тушди.
