"Манчестер Сити" ярим ҳимоячиси Бернарду Силва ўзини клубда бахтли ҳис қилаётганини айтди.
Аввалроқ, 28 ёшли португалиялик фаолиятини "Барселона" ёки "ПСЖ"да давом эттириши мумкинлиги ҳақида хабарлар тарқалган эди.
"Мен клубда бахтлиман, "Манчестер Сити"га ёрдам бериш учун ҳамма нарсани қиламан. Ҳозирда бор эътиборимни шу ердаги ишимга қаратганман”, — дея Силва сўзларини келтирган BBC Sport.
Кеча, 21 август куни "Манчестер Сити" Силвани таркибда сақлаб қолиш учун унга икки баравар маошли янги шартнома таклиф қилмоқчи экани хабар қилинганди.