"Брюгге" ярим ҳимоячиси Ханс Ванакен клубни тарк этиб, "Вест Хэм"га ўтишни истаётганини айтди.
Аввалроқ Бельгия клуби "болғачилар"нинг 29 ёшли футболчи учун 10 миллион евролик таклифини рад этганди.
“Очиғи, менга қизиқиш борлиги ҳақиқат, сўнгги кунларда бу ҳақда кўп ёзилди. Эртага янги музокаралар бўлиб ўтади, кўрамиз, улар нимага олиб келади. Балки бу менинг сўнгги имкониятимдир, мен "Вест Хэм"га ўтмоқчиман. Ҳали муҳокама қилиниши керак бўлган кўп нарса бор, келинг, кутамиз ва ҳаммаси қандай тугашини кўрамиз", - деди Ванакен Sky Sports нашрига.
2022/23 йилги мавсумда Ванакен "Брюгге" сафида 5 та ўйинда 1 та гол урган. Transfermarkt.com портали бельгиялик футболчининг нархини 16 миллион еврога баҳоламоқда.
