"Bryugge" yarim himoyachisi Xans Vanaken klubni tark etib, "Vest Xem"ga o‘tishni istayotganini aytdi.
Avvalroq Belgiya klubi "bolg‘achilar"ning 29 yoshli futbolchi uchun 10 million yevrolik taklifini rad etgandi.
“Ochig‘i, menga qiziqish borligi haqiqat, so‘nggi kunlarda bu haqda ko‘p yozildi. Ertaga yangi muzokaralar bo‘lib o‘tadi, ko‘ramiz, ular nimaga olib keladi. Balki bu mening so‘nggi imkoniyatimdir, men "Vest Xem"ga o‘tmoqchiman. Hali muhokama qilinishi kerak bo‘lgan ko‘p narsa bor, keling, kutamiz va hammasi qanday tugashini ko‘ramiz", - dedi Vanaken Sky Sports nashriga.
2022/23 yilgi mavsumda Vanaken "Bryugge" safida 5 ta o‘yinda 1 ta gol urgan. Transfermarkt.com portali belgiyalik futbolchining narxini 16 million yevroga baholamoqda.
