"Челси" ярим ҳимоячиси Кристиан Пулишич ёзда "Манчестер Юнайтед"га ўтмайди, дея хабар беради журналист Флориан Плеттенберг.
Манбанинг хабарига кўра, манкунианликлар "Аякс" вингери Антони билан шартнома имзолашни мақсад қилган.
"Менга Пулишич катта эҳтимол билан "Челси"да қолишини айтишди. Клуб "Манчестер Юнайтед"дан ҳеч қандай таклиф олгани йўқ, жумладан, алмашув битимларини ҳам", - деди Плеттенберг.
Олдинроқ "Челси" Пулишични "Манчестер Юнайтед"га "қизил иблислар" ҳимоячиси Харри Магуайрга алмаштириши мумкинлиги ҳақида хабарлар тарқалган эди.
