"Лестер" ҳимоячи Уэсли Фофананинг трансфери бўйича "Челси" билан музокараларда ўз позициясини юмшатди. Журналист Бен Жейкобснинг сўзларига кўра, “тулкилар” энди франциялик футболчини сотишга тайёр ва унинг ўрнига ўринбосар қидирмоқда.
"Лестер" тахминан 85 миллион евро эвазига Фофана билан хайрлашиши мумкин. "Челси" футболчига қўшимча босим ўтказмаслик учун тарихдаги энг қиммат ҳимоячига айланишини истамаяпти.
"Лестер"нинг позициясига Фофананинг кайфияти таъсир кўрсатди. Франциялик футболчини "Челси"га ўтиш ҳайратда қолдирди, натижада бош мураббий Брендан Рожерс уни "Саутгемптон"га қарши ўйин учун қайдномадан четда қолдирди.
