"Тоттенхэм" ҳимоячиси Серхио Регилон тез орада Италия А Сериясига ўтиши мумкин. Football Italia маълумотларига кўра, "Лацио" ҳимоянинг чап қанотига асосий трансфер мақсади Регилон бўлиб турибди.
Бироқ, римликлар "Ноттингем Форест" билан рақобатлашади, улар ҳам шартномага қизиқиш билдирмоқда. "Тоттенхэм" талабларига кўра, Регилон борадиган клуб футболчининг маошини тўлиқ тўлаши керак.
Серхио "шпорлар" бош мураббийи Антонио Контенинг режаларида эмас. Унинг позициясида Иван Перишичдан ташқари Раян Сессеньон ҳам ўйнай олади.