"Арсенал" ҳужумчиси Николас Пепе "Ницца"га ўтишга яқин турибди. Журналист Фабрицио Романонинг хабар беришича, клублар футболчини ижарага олиш борасида келишувга эришган.
Бироқ французлар жамоаси келаси ёзда вингерни сотиб олиш имкониятига эга эмас.
27 ёшли футболчининг Лондон клуби билан шартномаси икки йилдан кейин якунига этади.
Кот-д'Ивуарлик "канонирлар" тарихидаги энг йирик трансфер бўлиб қолмоқда. Клуб уни уч йил олдин "Лилль"дан 72 миллион фунт стерлингга олиб келганди.
Пепе ўтган мавсумда барча турнирларда 23 та ўйинда майдонга тушиб, 3 та гол урди ва 6 та голли узатмани амалга оширди.
