Дрис Мертенс “Наполи”даги 9 йиллик фаолиятидан сўнг “Галатасарой”га ўтди. Белгиялик ҳужумчи Италия клубини тарк этиши ҳақида гапирди.
“Бу ажойиб тўққиз йил эди. Албатта, вазият бошқача бўлиши мумкин эди. Ўйлайманки, биз клуб билан аввалроқ ҳамма нарсани муҳокама қилишимиз керак эди. Умид қиламанки, мен бу тажрибадан сабоқ оламан.
Бугун мен бахтлиман, чунки оилам ва мен янги саргузаштдамиз. Мен ажойиб шаҳарда ва ажойиб клубдаман.
Албатта, "Наполи"ни тарк этиш қийин бўлди. Хотиним ўша уйни тарк этишни ўйлаб йиғлаб юборди, шунинг учун биз уни тарк этишга ва у ерда имкон қадар кўпроқ вақт ўтказишга қарор қилдик”, деди Мертенс DAZN нашрига.
