"Ньюкасл" ярим ҳимоячиси Бруно Гимараэш "Реал" қизиқишлари доирасида бўлиб турибди, аммо испан клуби футболчи билан жорий ёзда шартнома имзолай олмайди.
Журналист Фабрицио Романо хабарига кўра, "Реал Мадрид"га Гимараэшнинг ўйин услуби ёқади, лекин бу ёзда футболчини сотиб олиш имконсиз. Айни дамда "Ньюкасл" билан Гимараэш борасида музокара олиб боришнинг иложи йўқ.
24 ёшли бразилиялик футболчининг ингилиз клуби билан шартнома муддати 2026 йилгача давом этади. У жорий мавсум 3 та ўйинда майдонга тушди.