"Манчестер Юнайтед"нинг собиқ ҳимоячиси Рио Фердинанднинг фикрича, "Барселона" ярим ҳимоячисининг "Олд Траффорд"га ўтиши амалга ошмайди. Фердинанд бу фикрини FIVE Podcast билан суҳбатда тушунтирди.

"Де Йонг билан шартнома имзоланишига ҳеч қандай имконият йўқ. "Манкунианликлар" Каземирони сотиб олишган, шунинг учун уларга энди Френки керак эмас.

Ўйлайманки, энди "Манчестер Юнайтед" "Аякс"дан Антони сотиб олишга эътибор қаратади. Уларга яна бир ҳужумчи керак, айниқса Роналду жамоани тарк этса”, - дейди Фердинанд.

Де Йонг 2019 йилнинг ёзидан бери “кўк-анорранглилар” таркибида ўйнамоқда. Ўшандан бери ярим ҳимоячи 142 та ўйинда майдонга тушиб, 13 та гол урди ва 18 та голли узатмани амалга оширди.