«МЮ»нинг собиқ футболчиларидан бири Люк Чадуик Эрик тен Хагни мақтади. У шундай дейди:
«Ўйин олдидан менда ғалаба учун катта умид йўқ эди. Аммо дастлабки дақиқалардан ҳамма умуман бошқа "МЮ"ни кўрди. Футболчилардаги голга ҳарислик ва ғалаба иштиёқи жуда ҳам баланд эди. Жамоа тўпсиз ҳам ақлли ҳаракат қилди.
"Ливерпул"ни қандай жамоа эканини яхши биламиз. Улар энг яхшиларидан бири. Лекин ўша ўйинда улар ҳам оптимал таркиб билан келмаганди. Аммо нима бўлган тақдирда ҳам икки мағлубиятдан кейин бундай ғалабага эришиш, олдинга ташланган қадам эди».