Португалиялик "Бенфика" клуби бош мураббийи Рожер Шмидт Киевнинг "Динамо" жамоасига қарши баҳсдан сўнг жамоасининг Чемпионлар лигаси гуруҳ босқичига чиққани ҳақида фикр билдирди.
“Энди мен ўзимни енгил ҳис қилдим. Мен шогирдларимнинг ўйинидан мамнунман. Чемпионлар лигасининг гуруҳ босқичига ҳақли равишда чиқдик. "Бенфика" ажойиб ўйин намойиш этиб ғалаба қозонди. Жамоам учун хурсандман, биз бу мақсадга эришиш учун кўп ҳаракат қилдик", - деди мураббий O Jogo билан суҳбатда.
Эслатиб ўтамиз, биринчи ўйинда "Бенфика" 2:0 ҳисобида ғалаба қозонган эди. Жавоб ўйинида Португалия клуби янада йирикроқ ғалаба қозониб, ўз устунлигини мустаҳкамлади - 3:0.
