"Аталанта" украиналик ярим ҳимоячи Руслан Малиновскийнинг нархини оширди, деб хабар беради Tuttomercatoweb.
Манбага кўра, итальян клуби футболчи учун 30-35 миллион евро олмоқчи. Ярим ҳимоячига "Тоттенхэм" ва "Вест Хэм" қизиқиш билдирмоқда, аммо инглизлар бундай пул тўлашга тайёр эмаслар.
29 ёшли Малиновский жорий мавсумда “Аталанта” сафида иккита ўйин ўтказиб, битта гол урди ва битта голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.