"Ювентус"нинг хорватиялик ярим ҳимоячиси Марко Пьяца Загребнинг "Динамо"сига ўтади, дея хабар бермоқда журналист Николо Скира.
Манбанинг хабарига кўра, Хорватия клуби футболчининг трансфери борасида келишиб олган. Ярим ҳимоячи Чемпионлар лигасидаги ўйинлар бошланишидан олдин клубни кучайтириши мўлжалланган. “Динамо” “Милан”, “Челси”, “Ред Булл Зальцбург” билан “E” гуруҳидан жой олди. Пьяца аввалроқ Загреб клубида 2014 йилдан 2016 йилгача ўйнаган.
27 ёшли хавбек 2016 йилдан бери "Ювентус"да тўп тепади. У клуб сафида жами 21 ўйин ўтказиб, битта гол урган. "Шальке", "Фиорентина", "Андерлехт", "Женоа" ва "Торино" клубларида ижара асосида ҳаракат қилган.
